23-02-2020 ರಂದು ಪತ್ರಿಕೆಗಳಲ್ಲಿ ಪ್ರಕಟವಾದ ಬರಹಗಳು  :-

ಕವಿತೆ | ಮೌನಯುದ್ದ | ವೆಂಕಟೇಶ ಚಾಗಿ

                           

ಮೌನಯುದ್ದ

ಕನಸುಗಳ ಹಸಿ ಹಸಿವಿಗೆ

ಛಲವೇ ಕೂಡಿಟ್ಟ ಆಹಾರ

ಗುರಿಯೊಂದು ಕಣ್ಣ ಸೆಳೆಯುತ್ತಿದೆ

ಅದೇ ಈಗ ಮನಸಿನ ಆಹಾಕಾರ||

ಸೋಲುಗಳು ಹೊಂಚು ಹಾಕಿವೆ

ಛಲವ ಕದ್ದು ಇಂಚಿಂಚು ಭಕ್ಷಿಸಲು

ಮನದೊಳಗೆ ಕಂಪನ ಆತಂಕ

ನಂಬಿಕೆಯ ಸೌಧ ಕೆಡವಲು ||

ಬತ್ತಲಾದ ಬಯಲಿಗೇನು ಗೊತ್ತು

ಕೆಂಪು ರಕ್ತದ ಗತ್ತು ಮತ್ತು

ಯಾರೋ ನೆಟ್ಟ ಮುಳ್ಳು ಕಲ್ಲುಗಳು

ಹೃದಯಕೆ ಎಲ್ಲವೂ ಗೊತ್ತು ||

ಸ್ವಾರ್ಥಗಳು ಮೂಢ ಕಪ್ಪು ಮನಗಳು

ಕತ್ತಲಾಗಿಸಿವೆ ಎತ್ತಲೂ ಸುತ್ತಲೂ

ಕತ್ತಲನ್ನೇ ನುಂಗುವಂತಹ ದಾಹ ಮೋಹ

ದೃಷ್ಟಿ ಮಾತ್ರ ಆ ಗುರಿಯ ಮುತ್ತಲು ||

ಅಗೋ ಅದೊಂದು ಗುರಿ ಹತ್ತಿರ

ಬಾಚಿಕೊಳ್ಳುವಷ್ಟು ಇನ್ನೂ ಹತ್ತಿರ

ಆನಂದಬಾಷ್ಪದ ತಾಕತ್ತು ಕಿಮ್ಮತ್ತು

ನೆತ್ತರ ನೋವಿಗಿಂತ ಎತ್ತರ ಬಲು ಎತ್ತರ..||

=> ವೆಂಕಟೇಶ ಚಾಗಿ